Trygd

Okkara KT trygd

Økisnøvn á internetinum eru eitt týðandi samfelagsligt tilfeingi, ið hevur avgerandi týdning fyri kritiska undirstøðukervið í Føroyum. Tað er tí alneyðugt, at hetta tilfeingi er hóskandi vart, so tað kann verða tryggjað móti misnýtslu og oyðileggjan.

Les okkara privatlívspolitikk her.

Økisnavn.fo er ISO 27001:2022 sertifiserað

ISO 27001:2022 er ein tann mest viðurkendi altjóða standardurin innan leiðslu og stýring av KT-trygd. Hendan sertifiseringin borgar fyri, at Økisnavn.fo hevur nøktandi stýring og mannagongdir innan KT-trygd. Eisini váttar sertifiseringin, at Økisnavn.fo lýkur strongu krøvini innan menning, servararakstur, kundatænastu og net- og hýsingarundirstøðukervi.

Umframt at vera ein váttan um trygd, er ISO 27001 eisini eitt amboð og ein vegleiðing, ið Økisnavn.fo nýtir til at gera váðametingar. Teldusnýkar gerast alsamt snildari, og tí er neyðugt at vera forvirkin og staðfesta møguligar veikleikar í góðari tíð.

Í 2024 gjørdust vit ein av fyrstu ISO 27001 sertifiseraðu fyritøkunum í Føroyum.

• Galdandi sertifikatið sæst her.

DNSSEC

DNSSEC (Domain Name System Security Extensions) er ein trygdarfunka, sum økir um trygdina á DNSinum (Domain Name System). Tað tryggjar, at tíni DNS-skrásetingar eru rættar og ikki broyttar av øðrum aktørum, og verjir ímóti DNS spoofing álopum.

Øll økisnøvn, sum verða skrásett hjá Økisnavn, fáa sjálvvirkandi DNSSEC.

Um okkum

ICANN (Internet Corporation for Assigned Names and Numbers) hevur knýtt ccTLD .fo til Føroyar. Landsstýrið hevur valt eitt ráð at vera ccTLD (Country Code Top Level Domain) Umsitari.

Kundatænasta

Økisnavn.fo leggur dent á at veita kundum okkara fyrsta floks tænastu. Tørvar tær hjálp, ella hevur tú spurningar um okkara vøru, ert tú vælkomin at seta teg í samband við okkum.

Vegleiðingar

Tað kann vera nógv at seta seg inn í, tá man bæði keypir og umsitur eitt ella fleiri økisnøvn. Her hava vit samlað nakrar vegleiðingar, sum gera tað lættari hjá tær at umsita tíni økisnøvn.